დღე 1

  • თავისუფლების მოედანი

    ქალაქის მთავარი მოედანი

  • გაბრიაძის საათის კოშკი

    ტურისტებისთვის საყვარელი ღირსშესანიშნაობა ერთ-ერთი ყველაზე ახალია ქალაქში. გაბრიაძის თოჯინების თეატრის შესასვლელთან მოწყობილი საათის კოშკი კარგად ასახავს სცენაზე დადგმული წარმოდგენების ხასიათს. ყოველი დღის 12 საათზე, თბილისის სტუმრები შთამბეჭდავი წარმოდგენის მოწმეები ხდებიან.

  • ძველი თბილისის ლურჯი სახლი

    თბილისური ეზოების თვალსაჩინო მაგალითი

  • სადილი

  • თბილისის ისტორიის მუზეუმი

    თბილისის ისტორიის მუზეუმი მდებარეობს განახლებულ ქარვასლაში, რაც ხაზს უსვამს აბრეშუმის გზის მნიშვნელობას ქალაქის განვითარებაში. მუზეუმში წარმოდგენილია 50,000-ზე მეტი არტეფაქტი, მათ შორის კერამიკული ექსპონატი, იარაღები, მუსიკალური ინსტრუმენტები, მონეტები და ბრინჯაოს პერიოდის ტექსტილის ნიმუშები.

  • მშვიდობის ხიდი

    თანამედროვე არქიტექტურის საფეხმავლო ხიდი მდინარე მტკვარზე, აკავშირებს თბილისის ისტორიულ ნაწილს რიყის პარკთან.

  • რიყის პარკი

    მტკვრის ნაპირზე გაშენებული პარკი ცნობილია თავისი გამწვანებით, მრავალფეროვანი ყვავილებით და სასეირნო ბილიკებით.

  • დარეჯან დედოფლის სასახლე

    სასახლე დედოფალი დარეჯანის საზაფხულო რეზიდენცია იყო. ეს უნიკალური და ელეგანტური ნაგებობა გამოირჩევა ხის ფირუზისფერი აივნით, რომლიდანაც ძველი თბილისის ხედი იშლება.

  • მეტეხის ეკლესია

    ეკლესია ერთ-ერთი უძველესია თბილისში. ტაძარი მეტეხის კლდის თავზე მდებარეობს, საიდანაც საუკეთესო ხედი იშლება ძველ ქალაქზე.

  • ვახშამი

დღე 2

  • გოგირდის აბანოები

    თბილისში მოგზაურობა ტრადიციული გოგირდის აბანოს სტუმრობის გარეშე წარმოუდგენელია. აქ გაქვთ შესაძლებლობა აირჩიოთ, როგორც იზოლირებული ნომერი, ასევე გამოიყენოთ საერთო აუზი.

  • აბანოთუბანი

    თბილისის უძველესი უბანი მნახველს ხიბლავს თავისი მრავალფეროვანი არქიტექტურითა და გამორჩეული ხედებით ძველ ქალაქზე.

  • ლეღვთახევი

    აბანოთუბნიდან ვიწრო ხეობის გავლით რამდენიმე წუთის სავალზე მდებარეობს პატარა, თუმცა შთამბეჭდავი ჩანჩქერი, რომელიც ადრე თბილისის ბოტანიკური ბაღის ნაწილი იყო.

  • ბოტანიკური ბაღი

    საქართველოს მეფეების მიერ გაშენებული ტერიტორია, თბილისის ბოტანიკურ ბაღს წარმოადგენს. აქ შეგიძლიათ სასიამოვნოდ გაატაროთ საღამო და დაათვალიეროთ ბაღის მრავალფეროვანი ექსპონატები.

  • სადილი

  • ნარიყალას ციხესიმაგრე

    თბილისის ერთ-ერთ ყველაზე მაღალ ადგილზე მდებარეობს ნარიყალას ციხესიმაგრე, რომელიც მე-4 საუკუნით თარიღდება. ციხესიმაგრიდან იშლება საუკეთესო პანორამული ხედები ქალაქზე.

  • ქართლის დედა

    ამ 20 მეტრიან ალუმინის სიმბოლოს ერთ ხელში ღვინის თასი უჭირავს, ხოლო მეორეში ხმალი. ქანდაკება თბილისისთვის განსაკუთრებით სახასიათოა და ხაზს უსვამს ქალაქის სტუმართმოყვარეობასა და მტერთან გმირულად ბრძოლას.

  • კალეიდოსკოპი (გალერია 27)

    ეს ძველი სახლი მნახველების ყურადღებას იქცევს თავისი ფერადი ვიტრაჟებით, რომელიც უნიკალურია ქალაქისთვის. შენობა მე-19 საუკუნით თარიღდება და წარმოადგენს გამორჩეულ ღირსშესანიშნაობას, რომლის ფასადზეც შემონახულია ასწლოვანი ფერადი ვიტრაჟი.

  • ვახშამი

დღე 3

  • ორბელიანის მოედანი

    ბოლო პერიოდის ყველაზე მასშტაბური რეაბილიტაციის პროექტი ორბელიანის მოედანზე განხორციელდა. აქ მნახველებს შეუძლიათ დაათვალიერონ თბილისისთვის დამახასიათებელი საცხოვრებელი სახლები, მისი ტრადიციული თბილისური ეზოები და მდიდრულად გაფორმებული სადარბაზოები. გარდა ამისა, მოედნის ცენტრში მდებარეობს ქალაქში ყველაზე დიდი და შთამბეჭდავი ყვავილების ბაზარი

  • ყოფილი სასტუმრო ლონდონი

    ყოფილი სასტუმრო ლონდონი წარმოადგენს არტ ნუვოს სტილის საუკეთესო ნიმუშს, ამჟამად კი საცხოვრებელი სახლია. სასტუმრომ უმასპინძლა უამრავ ცნობილ სტუმარს, როგორებიცაა ნორვეგიელი მწერალი კნუტ ჰამსუნი და რუსი კომპოზიტორი ჩაიკოვსკი.

  • მშრალი ხიდი

    მშრალ ხიდზე შეხვდებით ყველაფერს, დაწყებული უმნიშვნელო ძველმანებიდან, დამთავრებული თანამედროვე მხატვრების ნამუშევრებით.

  • სადილი

  • ახალი ტფილისი

    თბილისის ამ ისტორიულ უბანში გვხვდება სხვადასხვა არქიტექტურული სტილის მონაცვლეობა, როგორც რენესანსული და ბაროკო, ასევე კლასიცისტური და თანამედროვე. შენობები ცნობილია მდიდრულად მოწყობილი, არტ-სალონის და როკოკოს ორნამენტებით გაფორმებული სადარბაზოებით.

  • ფაბრიკა

    შეკრებისა და სოციალიზაციის ალტერნატიული ინდუსტრიული ადგილი, განსაკუთრებით პოპულარულია, როგორც ადგილობრივ ისე მოგზაურ ახალგაზრდებს შორის.

  • ვახშამი